Тукай,син озын гомерле!

Бишектән үк тыңлап үстек ,Тукай

Синең шигырьләрең,җырларың;

Кыска гына гомереңдә бары

Сөйгән халкын өчен җырладың.

      Төшендердең сабыйларга эшнең

      Кешене Чын кеше иткәнен.

      Белем алу зурлык,ә ялкаулык-

      Хурлык,түбәнлеккә илткәнен.

Өйрәттең син яратырга безне

Туган телне,илне,халыкны;

Үткен каләм,туры сүзең белән

Көрәштең бит яклап халыкны.

       Олы яшькә җитү,картлык кына

       Билгеләми озын гомерне.

       Иҗатың hәм сүнмәс мәхәббәтең

       Итте сине озын гомерле!

У вас нет прав для создания комментариев.