Татарстан Республикасы Лаеш муниципаль районы Муниципаль бюджет гомуми белем учреждениесе «Россия Федерациясе Герое Ахметшин Марат Радикович исемендәге Атабай урта гомуми белем мәктәбе»

Габдулла Тукайның 131 еллыгына багышланган район шигырь иҗат итүчеләр конкурсына иҗат эше:

“Тукай илендә”

                                                             Шигырьне язды:

                                                                         Хәйруллина Регина Маратовна -

                                                                         VI сыйныф укучысы.

                                                                         Җитәкче:

                                                                          Шәрәпова Илсөяр Дәүләт кызы

                                                                         югары категорияле татар теле

                                                                         һәм әдәбияты укытучысы

                                       Атабай, 2017

Тукай илендә

Йөрим Тукай илендә,

Шигырьләре күңелемдә.

“Тынма, эшлә, торма тик!”-

Васытьләре исемдә.

Йөрим Тукай илендә,

Шагыйрь белән сөйләшәм.

Яшисең халкың күңелендә,

Татарның йөрәгендә” дип, үзем аңа эндәшәм.

Тукай иле – әкият иле.

Карап, күзләр камаша.

Каршылый һәркемне монда

Могҗизалы тамаша.

Су анасы утыра

Тузгыткан чәчен тарап.

Йөрәкләрем сикереп китте

Усал йөзенә карап.

Теге карак малайны

Мин дип уйлый, мөгаен.

Күңелләрен йомшартырга

Ничек соң табыйм җаен?

Ә Шүрәле, мескенкәй,

Һаман да әле кычкыра.

Былтыр кыскан бармагын

Алмаган ычкындыра.

Ярдәм итәргә теләп,

Янына килеп карыйм.

Тик Шүрәле инде хәзер

Кешеләргә ышанмый,

Сәламемне дә алмый.

Кәҗә белән Сарык исә

Һаман юлда баралар.

Әби белән бабайны,

Куып чыгарган өчен,

Сүгеп искә алалар.

Аркаларында капчык-

Бүре башы салынган.

Ярый әле анысы бар,

Коткарырга ерткыч-җанвар кулыннан.

Акбайны да өйрәткәннәр

Арт аякта торырга.

Сабыйларга бу чын үрнәк-

Яшьли һөнәр алырга.

Күбәләкләр очып йөри

Бала белән куышып,

Карлыгачлар оя кора,

Берсен-берсе узышып.

Тукай иле – балачак иле,

Сихерле әкият иле.

Бу илгә барып эләксәң,

Сөйлисең – ана теле.

Туган телдә “Әллүки”не,

“Зиләйлүк”не көйлибез.

“Тәфтиләү”не, “Сабыйга”ны

Дәресләрдә сөйлибез.

Халык һич тә онытмый

Үзенең газиз улын.

Милли җанлы шагыйрь Тукай

Күңелендә татарның.

У вас нет прав для создания комментариев.