Рейтинг:   / 0

Кырлай егетенә!

Ак биләүгә төреп бишек җырын

Көйләүче булды микән аңа?!

Ана назы татлы төш булгандыр

Ятим калган нәни Тукайга!

Үксез бала булып саналсаң да,

Кагылсаң да чит-ят җирләрдә.

Калкан булды язган шигырьләрең,

Каршы торды кырыс җилләргә!

Бала чакны сагыну сагышларың

Моңнар булып аккан йөрәгеңнән.

Еллар арты еллар сиздерделәр

Син халкыңа әле кирәгеңне!

Иҗатыңа һәрчак сокланабыз,

Милләтнең син – якты өмете.

Халкыбызның – бөек киләчәге,

Горурлыгы – Кырлай егете!

Камалова Гөлназ Габдулла кызы

• < Назад
• Вперёд >