Тукай в наших сердцах
Рейтинг:   / 0
ПлохоОтлично 

                               Тукай  безнең күңелдә.           

Бишек җыры белән башланып китә. Алып баручы “Бишек җыруын”башкара,ә кызлар курчакларын йоклата,көйли.                                                                                                                                                                                                                            Әлли-бәлли итәр бу,                                                                                                                          Мәдрәсәгә китәр бу;          

Тыршып сабак укыгач,                                                                                                                

Галим булып җитәр бу.

Йокла,углым,йом күзең,                                                                                                                                    

Йом,йом,күзең,йолдызым;

Кичтән йокың кала да,                                                                                                                                         

Елап үтә көндезең.                                                                                                                                         

Әлли-бәлли көйләрем,

Хикәятләр сөйләрем;                                                                                                                                Сиңа теләк теләрем,                                                                                              

Бәхетле бул, диярем.                                                                                                                                                                                                                                                                                           

Гыйззәтем син,кадрем син,                                                                                                                            

Минем йөрәк бәгърем син;

Куанычым,шатлыгым                                                                                                                                      

Тик син минем,синсең,син!                                                                                                                              

А.б.Бәләкәй Абдулла йоклап та китте.                                                                                                                

Бүген без сезнең белән олы бәйрәмгә-Габдулла Тукай Туган көненә җыелдык.Тукай татар халкының иң  бөек шагыйрьләренең берсе булган.                                                                                           

1бала:Тукай бөек шагыйрь булган,

            Язган күпме әсәрләр.

            Алар безнең күңелләрдә                                                                                                                                                                              

Онытылмый яшәрләр.

Сөйләшәшә-сөйләшә Апуш белән Акбай килеп керәләр.”Кызыклы шәкерт” шигыренең энсценировкасын күрсәтәләр.                                                                                                         

А.б.-Исәнме, Акбай!                                                                                                                                                                           

Акбай:Һау-һау!

А-Исәнме,Апуш!                                                                                                                                                                                                                                                         

Апуш:Иәнмесез,балалар!

А.б.-Карале,Апуш,карап торам да синең этең ялкауланырга ярата түгелме соң?

Апуш:-Күпме өйрәтәм үзен тырыш  яшләй дип,ә ул барыбер тыңламый!

А.б.-Ә менә безнең балалар шундый тырышлар,шундый өлгерләр!Өйдә генә түгел балалар бакчасында да гел эштә,гел хәрәкәттә.Без бик яхшы мәкаль дә беләбез:

Балалар:Ялкаулык-хурлык,тырышлык-зурлык!

А.б.-Йә,Акбай,хәзер аңладыңмы инде нинди булырга кирәк?

Акбай:-Әйе,хәзер аңладым!Ялкаулардан барысы да көлә,аны берсе дә яратмый!Ялкаулык-хурлык,тырышлык-зурлык!

А.б."Эшкә өндәү"шигыреннән өзек укып китә.

    Зур бәхетләр сызганып эшкә бирелгәннән килә,

    Аһ!Оят,хурлык,түбәнлекләр- иренгәннән килә.

    И,сабыйлар!Эшләгез сез,иң мөкатдәс нәрсә -эш,

    Эш агачы һәрвакытта бик юмарт бирер җимеш.

    Яшьлегеңдә күп тырышсаң,эшкә бирсәң чын күңел,

    Каршыларсың картлыгыңны бик тыныч һәм бик җиңел!

"Бала һәм күбәләк" мотивы яңгырый башлавына  2бала  бии -бии чыгалар һәм җыр башкарыла.

-Исәнмесез,балалар!

-Исәнмесез!Без сезнең кем икәнегезне беләбез.Сез бала һәм күбәләк.

-Әйе.Тукай абыебыз безнең турында да матур шигырь язган.

    Диңгез тавышы ишетелүгә Су анасы пәйдә була.Каты тавыш белән кычкыра башлый:

 -Су анасы мин,китер,кайда минем алтын тарак?

   Бир!Бая көндез алып качты синең углың, карак!

А.б. -Абау,балалар,Су анасы бит бу!Сиңа бездән ни кирәк?

Су анасы: -Кая ул карак?Ә кая минем тарак?

А.б -Су анасы,тукта әле,җаным!Ашыкмый гыны барысын да сөйлә әле!

Су анасы: -Минем тарак әни бүләге иде бит ул!(елыбрак)Матур гына озын чәчләремне тарап утырганда урлады бит теге малай минем таракны!(елый башлый)

 -Ә-ә!Менә хәзер аңлашылды.Балалар,без Су анасының тарагын алмадык бит?

Балалар:-Юк,без алмадык!

А.б.- Безнең "Теремкәй"балалары кеше әйберенә сорамыйча кагылмыйлар!Шулай бит,балалар?

Балалар:-Әйе!Бездә андый начар гадәт юк!

Су анасы:-Кара әле аларны,нинди тәртиплеләр!Гафу итегез инде мине!Ә тарак?..(елый)

А.б.-Йә,инде елама!(тынычландыра)Ярдәм  итәбезме Су анасына?

Балалар:-Әйе,безнең серле янчыкта ниләр генә юк!(Серле янчыкны актаралар да, өръяңа тарак  килеп чыга)

Балалар:-Мә, Су анасы, бездән бүләк булсын!

Су анасы(шатланып)-Зур рәхмәт,сезгә балалар!Бүләккә бүләк булсын,әйдәгез уйнап алыйк.(Очты-очты һәм Түбәтәй уенннарын уйнатып ала)

 Ишек шакыйлар һәм яңа геройлар килеп керәләр.

-Исәнмесез,балалар!

-Исәнмесез!

-Әйдәгез танышабыз.Мин-Борһанетдин.

-Мин-ат.

-Мин-умарта корты.

-Мин-кош.

"Һәркем эштә"әкияте куела.

А.б.-Менә шулай ул-хәрәкәттә бәрәкәт!

 -Карагыз эле,балалар,Габдулла Тукай безнең өчен нинди кызыклы әкиятләр,шигырьләр язып калдырган!Без Тукайны һәрчак укырбыз һәм шигырьләрен ятларбыз.( Барлык геройлар тезелешеп басалар)

  А.б. һәм балалар бергә:

Яңа дуслар  таптык бүген-

Күңелгә рәхәт!          

Күпне белдек,күпне күрдек-

Тукайга рәхмәт!

  А.б.-Сау буллашыр вакыт та якынлашып килә.Хушлашканчы әйдәгез бергәләшеп "Туган тел"не җырлыйк."Туган тел " җыры белән тәмамлана.   

 

У вас нет прав для создания комментариев.