Рейтинг:   / 0

Безнең чишмә

Кызылъярның су буенда

Бик матур чишмә булган.

Бөтен җиргә дә танылган,

Ахун исеме алган.

Чишмәкәйгә таба илтә

Ямь-яшел хәтфә сукмак.

Бөдрә таллар чолгап алган,

Бу чишмәне матурлап.

Аның өен ак калайдан

Ясаганнар абыйлар.

Түбәсендә балкып тора,

Сап-сары ае да бар.

Улагында кер чайкаган

Авылның яшь кызлары.

Өмә ясап каз юганнар

Кызылъяр апалары.

Челтер-челтер итеп ага

Инешкә таба юлы.

Җанга рәхәт,тәнгә сихәт

Бирә бит аның суы.

Җырлап аккан чишмәбезгә

Көндә суга төшәбез.

Алып кайтып йомшак суын,

Чәйләр куеп эчәбез.

• < Назад
• Вперёд >