Кәҗә белән сарык әкияте.
Мәктәпкә әзерлек татар төркеме өчен.
(Габдулла Тукай әкиятенә нигезләнеп язылды)
Авторы: Абдуллина В.А.
Борын – борын заманда әби белән бабай яшәгән. Аларның бер сарыклары, бер кәҗәләре булган. Беркөн әби:
Әби:
Күп ашыйлар бу икесе,
Куып чыгарыйк урамга,
Барсыннар теләсә кая.
Бабай:
Дөрес әйтәсең әби,
Зур капчык бирик,
Куып чыгарыйк.
(Кәҗә, сарыкка карап)
Кәҗә:
Тот капчыкны кулыңа,
Китәбез олы юлга.
Сарык:
Китүен без китәрбез,
Ничек гомер итәрбез.
Кәҗә:
Табылыр берәр җае,
Азык табарбыз әле.
(Шулай итеп кәҗә белән сарык олы юлга чыгып киттеләр, Баралар болар, баралар юлда күрәләр бер бүре башы)
Сарык:
Абау,абау бу нәрсә?
Күргәнем юк бит бердә.
Кәҗә:
Курыкма син дускаем
Ике колагыннан тотыйк
Капчыкка алып салыйк.
(Бүре башын капчыкка салалар. Алга таба китәләр.
Алда күрәләр учак, учак өстендә казан, казан кырыенда бүреләр. 1 бүре кәҗәләрне күреп сөенә).
1 бүре:
Безгә ит килде дуслар
Әйдәгез сыйланабыз.
Кәҗә:
Харап булдык, инде нишлик,
Ничек моннан котылыйк.
Сарык:
Минем тезем калтырый, (бүрегә күрсәтеп)
Аның күзе ялтырый.
(Кәҗә үзен –үзе кулга алып):
Кәҗә:
Тукта әле калтырама,
Уйлап таптым бит җаен.
(Бүреләргә)
Сезгә ит кирәк мени
Хәзер – хәзер түзегез,
Бераз гына көтегез.
(Сарыка)
Алып килче капчыктан
Теге табылган башны.
(Сарык капчыктан бүре башы чыгара. Бүреләр куркуга кала)
Кәҗә ачуланып:
Ми-ки-ки-ки капчыкта бит
Бүре башы бит уники.
Зурырагын сайлап ал,
Казанга китереп сал.
(Сарык хәйләне аңлый, шул ук башны алып килә)
2 нче бүре:
Боткабыз сусыз пешә
Мин киттем чишмәгә.
3 нче бүре:
Мин май табып килермен
Кире юлны белермен.
4 нче бүре:
Минем зур кашыгым юк
Тиз генә табып килим.
Аннан ботка ашарбыз, (Әкрен генә)
Барыбызда качарбыз.
(Бүреләр берәм – берәм шулай китеп беттеләр. Кәҗә белән сарык ботка ашап, ял итеп үз юлларына киттеләр).
Әкият шуның белән тәмам.
Кыен хәлдән чыгу юлын тапкан сарык белән кәҗәгә дан.
Ф.И.О. (ученика) участника конкурса Класс (Школа) Место работы Ф.И.О. руководителя Номинация Абдуллина Венера Абдулхаевна - - МБДОУ «Детский сад № 350» Кировского района г.Казани - «Литературное творчество»