Литературное творчество (стих) “Тукай безнең күңелләрдә”

«Тукай безнең күңелләрдә»

Тукай безнең күңелләрдә

Мәңгегә истә калды.

“Су анасы”, “Шүрәле”дән

Бала-чаклар башланды.

Габдулла бәләкәй чактан

Бик авыр тормыш чиккән:

Әти-әнисез яшәүләр

Бигрәкләр авыр икән.

Бездә хәзер барсы да бар:

Телефон, уен кулда.

Андый чакта уйлап куям

“Кечкенә Апуш” турында.

Бозланып каткан идәндә

Басып тора бәләкәч –

“Исемдә калганнар”ында

Йөрәк әрни, сөйләгәч.

Тукай безнең күңелләрдә

Һәр буын белән яңара.

Елдан ел аны балалар

Яратып искә ала.

Егерме алтынчы апрель –

Тукайның туган көне!

Бөтен халыклар белсеннәр:

“Без Тукай оныклары!